සටහන – රුවන් නෙළුගොල්ල
සමගි ජන බලවේගයේ මන්ත්රීවරුන් විසි දෙනෙකු ආණ්ඩුවට ගෙන එන ලෙස ශ්රී ලංකා පොදුජන පෙරමුණ විසින් ජනාධිපති රනිල් වික්රමසිංහ මහතාට කොන්දේසි පැනවීමක් සිදුකර නොමැති බව ශ්රී ලංකා පොදුජන පෙරමුණේ මහලේකම් සාගර කාරියවසම් මහතා පවසයි.
“ඔය ඕපාදූප වෙබ්සයිට්වල තියෙන ඒවාට මම පිළිතුරු දෙන්නෙ නෑ. මොකද අපි එහෙම රනිල් වික්රමසිංහ ජනාධිපතිතුමාට ‘සජබෙන් 20ක් ගේන්න, එතකොට අපි ඔබට සහයෝගය දෙන්නම්’ ඔය වගේ කතා අපි කියන්නෙ නෑ. මොකද අපි අපේක්ෂකයෙක්ට සහයෝගය දෙනවා නම් අපි ඒ අපේක්ෂකයාව දිනවනවා. ඒක අපිට සජබෙන් විස්සක්, අරහෙන් දහයක්, මෙහෙන් පහළවක් කඩලා කරන්න නෙවෙයි. අපි පොහොට්ටුව හැටියට අපි ශක්තිමත්. අපි දන්නවා අපේ මහපොළවේ බලය. අපි අනිවාර්යයෙන්ම අපේ අපේක්ෂකයා දිනවනවා. ඒක නිසා අපට අරහෙන් මෙහෙන් කෑලි අහුලලා ඡන්ද දිනන පක්ෂයක් නෙවෙයි අපි. අපි ශක්තිමත් පක්ෂයක්. අපට අපේ පක්ෂය ගැන විශ්වාසයක් තියෙනවා. අපේ පක්ෂයේ ශක්තිය ගැන අපට විශ්වාසයක් තියෙනවා”
සාගර කාරියවසම් මහතා මේ බව පැවසුවේ හිරු රූපවාහිනී නාලිකාවේ දේශපාලන සංවාදයකට එක්වෙමිනි.
![](https://sinhala.lankanewsweb.net/wp-content/uploads/2024/06/LNW-Newsroom-ad-at-the-bottom-Sin-25-1024x137.png)