කොළඹ LNW: සමඟි ජන බලවේගයේ නායක විපක්ෂ නායක සජිත් ප්රේමදාස මහතා සහ ජාතික ජන බලවේගයේ නායක පාර්ලිමේන්තු මන්ත්රී අනුර කුමාර දිසානායක මහතා අතර අද (06) දිනයට යෝජිත ස්වාධීන රුපාවාහිනී සේවය විකාශන පහසුකම් සපයා ඇති විවාදය සම්බන්ධයෙන් සමඟි ජන බලවේගය විසින් ස්වාධීන රුපාවාහිනී සේවයේ සභාපති සුදර්ශන ගුණවර්ධන මහතා වෙත ලිඛිත දැනුම් දීමක් කර තිබේ.
නායකයින් අතර විවාදයට පෙර දෙපාර්ශවයේ ආර්ථික කමිටු අතර විවාදය පැවැත්විය යුතු බවට කොන්දේසියක් පැවති අතර එය නොසලකා හරිමින් ජාතික ජන බලවේගය නායකත්වයන් අතර විවාදයට පමණක් එකඟ වී ඇති බවත් ස්වාධීන රුපාවාහිනී සේවයද කටයුතු කර ඇත්තේ ජාතික ජන බලවේගයේ තීරණය පදනම් කරගෙන බවටයි එම ලිපිය නිකුත් කරමින් පාර්ලිමේන්තු මන්ත්රී නලින් බණ්ඩාර මහතා පවසන්නේ.
මෙම විවාදය පැවැත්වීමේදී සමඟි ජන බලවේගය ලෙස අපේක්ෂා කළේ සියලුම විද්යුත් නාලිකා,මුද්රිත නාලිකා ඇතුළු සියල්ලන් එකඟවන පොදු ස්ථානයක පැවැත්වීම බවද නලින් බණ්ඩාර මහතා කියා සිටියි.
ආශිකා බ්රාහ්මණ
