සටහන – රෂිකා හෙන්නායක ජුනි 07 ලෝකය (අවුට්බවුන්ඩ් ටුඩේ):
එවරස්ට් කන්දෙන් හා හිමාලයේ තවත් කදු දෙකකින් ටොන් 11ක කසල ඉවත් කර තිබෙන බව විදෙස් මාධ්ය වාර්තා කරයි.
නේපාල හමුදාව සඳහන් කරන්නේ, මෙම වසර තුළ දී ඉවත් කළ කසල ටොන් 11ට මළසිරුරු 4ක් හා මිනිස් ඇටසැකිල්ලක් ද අයත් බවයි.
මෙලෙස ඉවත් කර ඇත්තේ, එවරස්ට් කන්ද ඇතුලු හිමාල කදු තරණය කිරීමට පැමිණෙන සංචාරකයින් ඉවතලන අපද්රව්යයයි .
ඒ සඳහා නේපාල හමුදාව දින 55ක කාලයක් ගතවී තිබෙන බවද වාර්තා වේ.
මිනිසුන් ඉවතලු අපද්රව්ය ටොන් 50කට අධික සංඛ්යාවක් හා මළසිරුරු 200කට අධික සංඛ්යාවක් තවදුරටත් එවරස්ට් කන්ද හා අවට ප්රදේශයේ ඇති බවට ගණන් බලා තිබෙන අතර , වසරක් පාසා නේපාල හමුදාව මෙලෙස අපද්රව්ය ඉවත් කිරීම සිදුකරන අතර ඔවුන් මේ වන විට කසල ටොන් 119ක් , මළසිරුරු 14ක් හා ඇටසැකිලි කිහිපයක් ඉවත් කර ඇති බවට වාර්තා වේ.
