පාස්කු ප්‍රහාරය සම්බන්ධයෙන් සැකපිට අත් අඩංගුවට ගෙන රැඳවුම් නියෝග යටතේ අපරාධ පරීක්ෂණ දෙපාර්තමේන්තුවේ රඳවාගෙන සිටින හිටපු බුද්ධි අංශ ප්‍රධානී, විශ්‍රාමික මේජර් ජනරාල් සුරේෂ් සලේ රෝහල්ගත කර ඇති බව වාර්තා වේ.
ඔහු මීට මඳ වේලාවකට පෙර කොළඹ ජාතික රෝහලට ඇතුළත් කර ඇති බවයි ආරංචිමාර්ග සඳහන් කළේ.
අපරාධ පරීක්ෂණ දෙපාර්තමේන්තුවේ රඳවාගෙන සිටියදී තමන්ට වධහිංසා සිදුකෙරෙන බව සුරේෂ් සලේ සිය ඥාතීන්ට දැනුම් දී තිබුණු අතර ඔහු ඊට එරෙහිව මීට දින කිහිපයකට පෙර සිට මාරාන්තික උපවාසයක් ආරම්භ කර තිබිණි.
සිකුරාදා දිනයේ සිට ජලය හෝ පානය නොකරමින් උපවාසයෙහි නිරත වී සිටි ඔහුගේ සෞඛ්‍ය තත්වය අයහපත් වීම හේතුවෙන් මෙසේ අද (07) රාත්‍රියේ ඔහුව රෝහල්ගත කර ඇති බව සඳහන්.
