සටහන – රෂිකා හෙන්නායක ජුනි 10 , කොළඹ (LNW):
සංවිධානාත්මක අපරාධ කල්ලි නායකයෙකු සහ ප්‍රබල මත්ද්‍රව්‍ය ජාවාරම්කරුවෙකු වන ගණේමුල්ල සංජීව මේ වන විට වීරගුල පොලිසිය භාරයේ රඳවා සිටින අතර, අද (10) සිට මේ මස 24 වන දින දක්වා බූස්ස බන්ධනාගාරයේ රඳවා තැබීමට අද (10) දින ගම්පහ මහෙස්ත්‍රාත් සිලනි පෙරේරා මහත්මිය නියෝග කර තිබෙන බව සඳහන් වේ.
සැප්තැම්බර් මස 13 වන දා ,සංවිධානාත්මක අපරාධ කල්ලි සාමාජිකයෙකු ලෙස සැලකෙන සංජීව කුමාර නොහොත් ගණේමුල්ලේ සංජීව කටුනායක ජාත්‍යන්තර ගුවන්තොටුපොළේ දී පසුගිය වසරේ අත්අඩංගුවට පත්වුණි.
නේපාලයේ කත්මණ්ඩු නුවර සිට මෙම සැකකරු ව්‍යාජ ගමන් බලපත්‍රයක් යොදාගනිමින් කටුනායක ගුවන් තොටුපොළ වෙත පැමිණි තිබුණු අතර ත්‍රස්තවාදය වැළක්වීමේ පණත යටතේ ගණේමුල්ලේ සංජීව දින 90ක් රඳවාගෙන ප්‍රශ්න කිරීමට පසුව පොලීසිය අවසර ලබාගනු ලැබීය.
