රෂිකා හෙන්නායක ජුනි 13,ලෝකය (අවුට්බවුන්ඩ් ටුඩේ):
2026 පාපන්දු ලෝක කුසලානය සඳහා සහභාගී වීමට නියමිත එංගලන්ත කණ්ඩායමේ පුහුණු උපකරණ තොගයක් කැන්සාස් සිටිහිදී සොරකම් කිරීමට ලක්ව ඇති බව විදෙස් මාධ්‍ය අනාවරණය කරයි.
මෙම සොරකම සිදුව ඇත්තේ කණ්ඩායම ෆ්ලොරිඩාවේ සිට තම නව පුහුණු මධ්‍යස්ථානය වෙත පැමිණීමට මද වේලාවකට පෙරය.
අතුරුදන් වූ භාණ්ඩ අතර පන්දු සහ ක්‍රීඩා සපත්තු ඇති බවට සැක කරන අතර, සිද්ධිය සම්බන්ධයෙන් පුද්ගලයන් දෙදෙනෙකු පොලිස් අත්අඩංගුවට පත්ව ඇත.
මේ හේතුවෙන් එංගලන්ත කණ්ඩායමේ මූලික පුහුණු සැසිවලට යම් බාධාවක් එල්ල විය හැකි බව සඳහන් වේ.
මෙම අවාසනාවන්ත සිදුවීම වාර්තා වන්නේ ක්‍රොඒෂියාව සමඟ පැවැත්වෙන ඔවුන්ගේ පළමු තරඟයට දින කිහිපයක් තිබියදීය.
එංගලන්තයට අමතරව තවත් ප්‍රබල රටවල් කිහිපයක්ම මෙම ප්‍රදේශය තම පුහුණු මූලස්ථානය ලෙස තෝරාගෙන තිබේ.
