Thursday, July 7, 2022
spot_img
spot_img

Latest Posts

පවුලක් සින්නක්කරව ලියාගෙන කොල්ලකෑ රට ගොඩ ගැනීමේ වගකීම අපට තිබෙනවා – සජිත් (VIDEO)

සින්නක්කරව එක පවුලක් රට ලියාගෙන මුලු රටම කොල්ල කෑ බවත් වසර දෙකක් රටම අනුගමනය කළේ රාජපක්ෂවාදය සහ පවුල් වාදය බවත් විපක්ෂ නායක සජිත් ප්‍රේමදාස මහතා පවසයි.

අලුත් නූතනවාදී ලංකාවක් බිහි කිරීම අරමුණු කරගෙන ප්‍රතිසංස්කරණ සදහා ජනතා ව්‍යාපාරය ඊයේ (13) කොළඹ විපක්ෂනායක කාර්යාලයේ දී විපක්ෂ නායක සජිත් ප්‍රේමදාස මහතා ප්‍රමුඛ පිරිසක් හමුවිය. ප්‍රතිසංස්කරණ සදහා ජනතා ව්‍යාපාරය විසින් ඉදිරිපත් කරනු ලැබූ යෝජනාවලින් සාතිශය බහුතරයකට සමගි ජන බලවේගයත් සමඟි ජන සන්ධානයත් එකඟ බව පැවසූ විපක්ෂ නායකවරයා මේ කතිකාවත පුළුල්ව දියත් කිරීම උදෙසා විපක්ෂ නායක කාර්යාල පරිශ්‍රයෙහි “මහලේකම් කාර්යාලයක් ගොඩනැගීමටත් මීට අවශ්‍ය සම්පත් පහසුකම් ලබා දීමටත් එකඟ විය.

සම්මුතිවාදය තුළින් රට ගොඩනැගිය යුතු බව කී විපක්ෂ නායකවරයා එයින් මෙහා රට ගොඩනැගීමට මගක් නැතැයිද කීය.

අද පවත්නා ආර්ථික කඩා වැඩීමට දේශපාලන හේතු බලපා ඇති බවත් රට ගොඩනැගීම උදෙසා බලවත් ශක්තිමත් ප්‍රතිසංස්කරණයක් සිදුවිය යුතු බව කී විපක්ෂ නායක සජිත් ප්‍රේමදාස මහතා ජාතිවාදය වර්ගවාදය, අන්තවාදය, කුලවාදය, ආගම්වාදය බැහැර කළයුතු බවත් ප්‍රගතිශීලී ප්‍රබුද්ධ ගමනක් ආරම්භ කළයුතු බවත් පැවසීය.

ප්‍රතිගාමී අදහස් වලින් බැහැරව ප්‍රබුද්ධ අදහස් වලින් සන්නද්ධව කටයුතු කළ යුතු බව පැවසූ විපක්ෂ නායකවරයා අද මෙරට මේ තරම් අගාධයකට වැටුණේ ඒකාධිපතිවාදය නිසා බව ද පෙන්වා දුන්නේය.

ආණ්ඩුව විසින් වසර දෙක හමාරක් තිස්සේ රටේ දියත් කරනු ලැබූ අසාර්ථක පාලනය හේතුවෙන් 225ම එපා යනුවෙන් මතවාදයක් නිර්මාණය වී ඇති බව පැවසූ සජිත් ප්‍රේමදාස මහතා එහෙත් එය සම්පූර්ණයෙන්ම සත්‍ය නොවන බව ද පැවසීය.

RN

Latest Posts

spot_img

Don't Miss

Stay in touch

To be updated with all the latest news, offers and special announcements.