සටහන – නිශ්මං රණසිංහ
ජූනි 23, (LNW) කොළඹ :
එංගලන්තයේ සංචාරයක යෙදෙන අවුරුදු 19 න් පහළ ශ්රී ලංකා ක්රිකට් කණ්ඩායම එක්දින තරග 3 ට සහ සිව් දින තරග දෙකක් සඳහා සහභාගිවීමට පිටත්ව ගියා.දිනුර කළුපහනගේ නායකත්වයෙන් යුත් මෙම කණ්ඩායමේ උප නායකත්වය දරන්නේ ෂරුජාන් ෂන්මුගනාදන්.
නිමාව දුටු අවුරුදු 19 න් පහළ ලෝක කුසලාන කණ්ඩායමේදී ක්රිඩා කළ ක්රීඩකයින් පස් දෙනෙකු ද දායකත්වය සහිත මෙම කණ්ඩායමට එරෙහිව තරග වඳින එංගලන්ත කණ්ඩායම නියෝජනය කරමින් ද ශ්රී ලංකා ක්රිඩකයෙකු තරග වදිනවා.18 හැවිරිදි දිනෙත් කේෂන ෆොන්සේකා මේ වන විට ලැන්කෂයර් ප්රාන්තය නියේජනය කරන අතර ඔහු එංගලන්ත 19 න් පහළ කණ්ඩායම නියෝජනය කරමින් අයර්ලන්තයට එරෙහිව ශතකයක් පවා ලබා ගැනීමට සමත් වී තිබෙනවා.
පුරා මාසයක කාලයක් එංගලන්තයේ තරග වඳින ශ්රී ලංකා අවුරුදු 19 න් පහළ කණ්ඩායම සිය අනාගත ක්රිකට් වෙනුවෙන් වෙනස් පාරිසරික තත්ත්වයන් මෙන්ම වෙනස් තණතිලි සම්බන්ධයෙන් ද මේ සංචාරයේ දි වැදගත් අත්දැකීම් රැසක් එකතු කර ගන්නට නියමිතයි.මේ සමඟ දැක්වෙන්නේ අවුරුදු 19 න් පහළ කණ්ඩායම ආගමික චාරිත්රානුකුලව එක් වුණු ආහිර්වාදයෙන් ඉනික්බිති සිය නෑ හිත මිතුරන්ගේ ද සුබ පැතුම් සහ ආශිර්වාද සමඟ දිවයිනෙන් නික්ම යන්නට සැරසුණු අවස්ථාවයි.
