ශ්‍රී ලංකාවේ දැනට පවතින ඉන්ධන මිල ගණන්වල ලොකු වෙනසක් සිදුකිරීමේ හැකියාවක් දැනට නොමැති බව ලංකා ඛනිජ තෙල් නීතිගත සංස්ථාවේ කළමනාකාර අධ්‍යක්ෂ මයුර නෙත්තිකුමාරගේ මහතා පවසයි.
“ලෝක වෙළඳපොලේ මිල පල්ලෙහාටත් පැමිණෙමින් තිබුණා. නමුත් පසුගිය සිකුරාදා දිනයේදී ලෝක වෙළඳපොලේ පෙට්‍රල් සහ ඩීසල් දෙකේම මිල වැඩිවුණා. එතකොට එක දිගටම මිල අඩුවීමේ සම්භාවිතාවක් නෙවෙයි තියෙන්නේ, නැවතත් වැඩිවෙමින් තියෙනවා. මේ වෙනකොට නැවතත් ඩීසල් සහ පෙට්‍රල් කියන දෙකේම මිල යුද්ධයට කලින් තිබිච්ච මිල දක්වා පහතට වැටිලා නැහැ. එතකොට වැඩි මුදලකට තමා තියෙන්නෙ. දැනට තියෙන මිලේ ලොකු වෙනසක් කරන්න පුළුවන් කියලා එකක් දැනට ලෝක වෙළඳපොලේ තියෙන මිල ගණන් එක්ක පේන්න නැහැ”
තෙල් සංස්ථාවේ කළමනාකාර අධ්‍යක්ෂවරයා මේ බව පැවසුවේ ඊයේ (22) දිනයේදී මාධ්‍ය කළ විමසීමකදී පිළිතුරු ලබාදෙමිනි.
2026 මැයි 30 වනදා සිදුකළ මිල සංශෝධනය අනුව දැනට පවතින ඉන්ධන මිල ගණන් පහතින් දැක්වේ.
