රෂිකා හෙන්නායක ජූනි 28, කොළඹ LNW : ඕනෑම දැඩි සිතක් වුවද, හදවත මොහොතකට සසල කළ අපේක්ෂා රෝහල පිටුපස ඇති නිහඬ වීදියක, නිහඬවම අසාමාන්‍ය දෙයක් දිග හැරෙමින් තිබේ.
ඒ මීට වසර දෙකකට පෙර, පොදු වචනයක් වූ රෝහලක් යන වචනයට සීමා නොවූ, නව ආකාරයේ සුව අරණක් බිහි විය. එය රෝගීන්ගේ වේදනාව පිරි, කඳුළින් තෙමුනු පොදු රෝහලක් නොවේ, රැඳී සිටින කාමරයක්ද නොවේ. නමුත් එය පිරිසකට එකට සිටිය හැකි සිත් නිවෙන අධ්‍යාත්මික ස්ථානයක්. ගිලන් හදකට මහා සැනසිලිදායක අසපුවක්.
සහෝදර සහෝදරියන්ට සති අන්තයන් එකිනෙකාගේ දෑතින් වෙළී ගත කළ හැකි තැනක් වූ මෙම සුව අරණ, වේදනාව සඟවමින් සිනාසෙන්නට වෙර දරණ දෙමව්පියන්ට රෝහල් ඇඳන් අසල සන්තකයට ප්ලාස්ටික් පුටුවක් වෙනුවට සැබෑ ඇඳන් මත, සැබෑ සෙවනක් යට, හුස්ම ගැනීමට අලංකාර පරිසරයක් ඇති මේ සුව අරණ – සුව කිරීමේ ස්ථානයක්ම පමණක්ම වේ. එබැවින් මෙය වේදනාවේ දෝංකාරය දෙන රෝහල් කොරිඩෝවක් නොවේ. වචනයේ පරිසමාප්තියෙන්ම සුව ගෙනෙන සුව අරණකි.
මේ මහඟු මෙහෙවර සපයන්නාවූ සුව අරණ අරඹා මේ මාසයට එය වසර දෙකක් සපිරෙන බව පවසන්නේ ඉතාමත් සතුටිනි.
ප්‍රතිකාරක මධ්‍යස්ථානයකට එහා ගිය මෙය වැඩි යමක් සිදුවන “ සුව අරණ” යනු ශ්‍රී ලංකාවේ පළමු ළමා සහන සත්කාර මධ්‍යස්ථානයයි.
පිළිකා ඇති දරුවන්ට සහ ඔවුන්ගේ පවුල්වලට ඇඳක් පමණක් නොව අයිතිවාසිකමක් ලැබෙන නිවසින් බැහැර වූ සුවයෙන් පිරි රෝහලකි.
ඖෂධ පමණක් නොව ලබාදෙන සත්කාරයට එයට මහත් අර්ථයක් ද ලැබේ. පැවැත්ම පමණක් නොව ගෞරවය ද ලැබේ. සුව අරණෙහි වසර දෙකක් යනු ජීවිතයේ වසර දෙකක් යථා තත්ත්වයට පත් කිරීමයි .
මෙය අප හට අතිශෝක්තියක් නොව,ආඩම්බරයකි. ප්‍රතිකාර සඳහා පැය ගණනක් ගමන් කරමින් මඟටම කාලය මිඩංගු කරමින් විඩාවට පත් වූ පවුල්වලට දැන් නැවත පැමිණීමට කාමරයක් තිබේ. වාට්ටුවලින් වෙන්ව තබා තිබූ සහෝදර සහෝදරියන් දැන් එකම අවකාශයේ සිනාසෙමින් සෙල්ලම් කරති. වරක් තනිවම අඬන ලද දෙමාපියන් දැන් එකට සිටිති, එකට කතා කරති, ශෝක වෙති සහ සුවපත් කරති. එයම රෝගී හදවතක් සුව වන්නට මහත් ඖෂධයක් නොවන්නේද?
සුව අරණගේ හදවත ස්පන්දනය වන්නේ එය ලබා දෙන සැලකිල්ලෙන්ම පමණක් නොව, එය සැබෑ කරන පුද්ගලයින් තුළ ය. කැපවූ කාර්ය මණ්ඩලය – හෙදියන්, සම්බන්ධීකාරකවරුන්, සහායක සේවකයින් – හුදෙක් මෙය තමන්ගේම කටයුත්තක් සේ සලකා තම කාර්යයන් ඉටු කරයි. ඔවුන් අනෙකාට හොඳින් සවන් දෙයි. ඔවුන් උපන් දින මතක තබා ගනී. ඔවුන් අත් අල්ලාගෙන සිටිති. ඔවුන් පැය ගණනකට පසුත් වෙහෙස නොබලා රැඳී සිටිති. ඔවුන්ට මෙය රැකියාවකට වඩා එහා ගිය දේව කාර්තව්‍යකි . තවද මෙහි ස්වේච්ඡා සේවකයන්ද සිටින අතර එය මෙම සුව අරණට මහත් ශක්තියක් ගෙන දෙන්නකි.
ඔවුන් මේ අවකාශය වර්ණවත් කරති. ඇතැමුන් සමහරු කතන්දර කියද්දී, තවත් සමහරු කෑම උයති. සමහරු සංගීතය වාදනය කරති. සමහරු සරලව වාඩි වෙලා සුහද වෙති, කිසිවෙකු තනිකමක් දැනෙන්නේ නැති බවට ඔවුන් වග බලා ගනී. බොහෝ දෙනෙක් වරක් සමහරු රෝගීන් පවා රැකබලා ගන්නන් විය.
මෙම සුව අරණ පිටුපස ඇත්තේ ඉන්දිරා පිළිකා භාරය (ICT) යි.
එය එක් සංසිද්ධියක් මත උපත ලැබූ නමුත් දැන් එය සමස්ත ජාතියයට සේවා සැපයීමේ අරමුණින් පවත්වා ගෙන යන “සුව අරණක්” බවට පත්ව ඇත.
2016 දී, දෙදරු මවක් වූ ඉන්දිරා ජයසූරිය මහත්මිය පියයුරු පිළිකාවෙන් මිය ගියාය. ඇගේ ගමන ධෛර්යය, කරුණාව සහ ඇගේ පවුල කෙරෙහි ඇති ගැඹුරු ආදරය මගින් සනිටුහන් විය. ඇගේ පියා වන ගරු කරු ජයසූරිය මහත්මා, එම පෞද්ගලික ශෝකය පොදු අරමුණක් බවට පත් කිරීමට තෝරා ගත්තේය. තම දියණිය අහිමි වීමේ වේදනාවෙන් මෙළෙස දැයටම මෙහෙවරක් ලෙස “ සුව අරණ” උපත ලැබීය. කිසිදු පවුලක් පිළිකාවට තනිවම මුහුණ නොදිය යුතු බවත්, රැකවරණය මනුෂ්‍යත්වය තුළින් රැක ගතයුතු බවත් මෙම උතුම් කාර්‍යයෙන් විදහා දක්වයි.
ඉන්දිරා මහත්මියගේ ජීවිතයට උපහාරයක් ලෙස ආරම්භ වූ මෙය දැන් ශ්‍රී ලංකාව පුරා ජීවිත ස්පර්ශ කරන ජාතික වේදිකාවක් දක්වා වර්ධනය වී තිබේ. ICT යනු සංවිධානයක් පමණක් නොවේ – එය ප්‍රජාවකි. එය සුව අරණෙන් ඔබ්බට තම දෑත් දිගු කරයි.
ICT වෙතින් පිළිකා උපකාරක සේවාවක්ද ක්‍රියාත්මක කරයි. ඒ රසායනික චිකිත්සාවෙන් පසු තම අනන්‍යතාවය නැවත සොයා වෙහෙසෙන කාන්තාවන්ට තමාගේ හිසකෙස් හා සමානවූ කෘතිම කොන්ඩා සැකසුම් (විග්) පිරිනමයි. තවද, පියයුරු, කෘත්‍රිම පාද, පෝෂණ පැකට්, රෝහල් වෙත ප්‍රවාහනය, ඖෂධ, විමර්ශන සහාය, අවමංගල්‍ය සහාය සහ උපදේශන සේවා සපයයි. එය බරපතල රෝගාබාධවලින් පෙළෙන දරුවන්ගේ ජීවිතවලට ආලෝකය ගෙන දෙන ප්‍රාර්ථනා ඉටු කරන්නකි. එය හුදෙක් ඔවුන්ගේ ප්‍රියතම ක්‍රිකට් ක්‍රීඩකයා, නළුවා හෝ ගායකයා හමුවීම, විශේෂ ස්ථානයකට යාම හෝ ඔවුන් සැමවිටම සිහින මැවූ දෙයක් ලබා ගැනීම වේවා මෙම ප්‍රාර්ථනා හුදෙක් ප්‍රීතිමත් අවස්ථා නොවේ – ඒවා දරුවන්ට සහ ඔවුන්ගේ පවුල්වලට බලවත් අස්වැසිල්ලක්ද වේ.
එය අසනීප මධ්‍යයේ වුවද ජීවිතය සොයන, සුව කිරීම වෛද්‍ය විද්‍යාවට පමණක් අයත් දෙයක් නොවේ යැයි පසක් කරන්නකි.
ඉතින් සුව අරණට අවුරුදු දෙකක් සපිරෙන මේ මොහොතේ, මෙය හුදෙක් සන්ධිස්ථානයක් නොවේ..මෙය ප්‍රේමයේ ජාලයක්. සත්කාර වලින් පිරුණු, ශ්‍රී ලංකාව පිළිකා ගැන කතා කරන, රෝගීන්ට ප්‍රතිකාර කරන, රැකබලා ගන්නන්ට සහාය වන සහ ඔරොත්තු දීමේ හැකියාව ගොඩනඟන ආකාරයෙහි වෙනසක් ඇති මෙම සැනසිලිදායක “සුව අරණ” සැමට සුවයම සදන්නට වෙහෙසෙන්නකි.
ඉතිං වසර දෙකකට පෙර, සුව අරණ එහි දොරටු විවෘත කළේ මෙවන් දිනයකදී වීම සතුටින් මතක් කරන්නෙමු..සුව අරණින් සුවපත් වූ ගිලන් හදවත් දහස් ගණනකි. එය මියගිය ඉන්දිරා මහත්මියටත් මහත් පුණ්‍යානුමෝදනාවකි. ඉදිරියටත් සුව අරණේ දොරටු විවර වන්නේ ඔබටමයි…
එය වසර දෙකක් නොව තවත් දිගුකාලයක් ඉදිරියට සුවය සදමින් ගලා යනු ඇත….
සහාය වීමට, ස්වේච්ඡාවෙන් ඉදිරිපත් වීමට හෝ වැඩිදුර විස්තර ලබා ගැනීමට :www.indiracancertrust.org
Helpline: + 94 112363211
