මෙරටට ඛනිජතෙල් ගෙන්වීම සම්බන්ධයෙන් පැවති ඒකාධිකාරය රජය විසින් වෙනස් කර ඇති බවත් මේ වනවිට ඕනෑම සමාගමකට මෙරටට ඉන්ධන ගෙන්වීමේ අවස්ථාව ලබාදී ඇති බවත් අග්‍රාමාත්‍ය රනිල් වික්‍රමසිංහ මහතා පවසයි.
“රුසියාව යුරෝපයට තෙල්, ගෑස් දෙන එක නැවැත්තුව නිසා දැන් යුරෝපයට මැදපෙරදිගින් ඔක්කොම මිලදී ගන්නවා. ඊට අමතරව චීනය, ඉන්දියාව, ජපානය, දකුණු කොරියාව යන රටවලුත් ඉන්ධන ලබාගන්න එතනට එනවා. දැන් මහා පොරයක් තියෙන්නෙ. ඉන්දියාවටත් තවම විශ්වාසයක් නෑ කොහොමද හොයාගන්නෙ කියලා. රුසියානු තෙලුත් මදිවෙලා තියෙන්නෙ. ඉතින් ඒ තත්වය මැදට අපි ඇවිල්ලා තියෙන්නෙ. අපිට එවෙලෙම ගන්න බැරිවුණොත් අපට ඊළඟ සැරේ ගන්න කල් යනවා. දැන් අපේ ප්‍රධානම එක රටේ ජනතාවට තෙල් ලබලා දෙන එක. තෙල් ගෙනත් දෙන්න පුළුවන් නම් වෙන ඕනෑම සමාගමකට අපි ඒකට ඉඩදීලා තියෙනවා. ඒකාධිකාරිය වෙනස් කරලා අපි ඉඩදීලා තියෙනවා ඕනෑම සමාගමකට තෙල් ගේන්න ලංකාවට”
අග්‍රාමාත්‍ය රනිල් වික්‍රමසිංහ මහතා මේ බව පැවසුවේ ඊයේ (29) ජනමාධ්‍ය ප්‍රධානීන් සමග පැවති සාකච්ඡාවකදී ය.
RN
