IOC සමාගමට අයත් දිවයින පුරා පිහිටි ඉන්ධන පිරවුම්හල් වෙත ඉන්ධන බෙදා හැරීමට කටයුතු යොදා ඇති බැවින් එම සමාගමේ ලියාපදිංචි වී සිටින සියලුම ටැංකි රථ හෙට (01) සේවයට වාර්තා කරන ලෙස එම රථ හිමියන්ට සමාගම දැනුම් දී තිබේ.
ලංකා ඛණිජ තෙල් පෞද්ගලික ටැංකි රථ හිමියන්ගේ සංගමය විසින් මේ බව මාධ්‍ය වෙත ප්‍රකාශ කර ඇත.
මේ අතර පවතින ඉන්ධන අර්බුදය හමුවේ අත්‍යවශ්‍ය සේවා පවත්වාගෙන යාම සඳහා IOC සමාගමෙන් ඩීසල් මෙට්‍රික් ටොන් 7500ක පමණ ප්‍රමාණයක් මිලදී ගැනීමට රජය තීරණය කර තිබෙන අතර ඊට අදාළ ගෙවීම්ද සිදුකර ඇති බව සඳහන්.
කෙසේවෙතත් රජයේ තීරණය අනුව තවදුරටත් ඛනිජ තෙල් සංස්ථාව ඉන්ධන නිකුත් කිරීම අත්‍යවශ්‍ය සේවා සඳහා පමණක් සීමා කර තිබේ.
ASK
