කොළඹ LNW:ශ්‍රී ලංකා පොලිසියේ නිල Facebook ගිණුමෙහි පළ කරන පණිවිඩවලට අසභ්‍ය වචනවලින් ප්‍රතිචාර දක්වන පුද්ගලයින් සම්බන්ධයෙන් ඉදිරි ක්‍රියාමාර්ග ගැනීමට කටයුතු කරන බව පොලීසිය දැනුම් දෙයි.
ශ්‍රී ලංකා පොලිසියේ නිල Facebook ගිණුමෙහි නිවේදනයක් පළ කරමින් පොලීසිය නිවේදනය කරන්නේ ජනතාව දක්වන අදහස් විවේචන ආදියට ඔවුන් නිරතුරුව සවන් දෙමින් ඒ සඳහා අවශ්‍ය ක්‍රියාමාර්ග ගැනීමට කටයුතු කරන බවයි.
කෙසේවෙතත්, අදහස් ප්‍රකාශ කිරීමේදී සැමවිටම ඒවා සභ්‍ය ලෙස ප්‍රකාශ කිරීමට කටයුතු කරන ලෙස පොලීසිය ඉල්ලා සිටියි.
