සටහන – රුවන් නෙළුගොල්ල
ජනාධිපතිවරයාගේ ධුර කාලය පිළිබඳ අර්ථ නිරූපණයක් ලබාදෙන ලෙසත් එතෙක් ජනාධිපතිවරණය පැවැත්වීම වැළැක්වීමේ නියෝගයක් නිකුත් කරන ලෙසත් ඉල්ලා ගොනුකර තිබූ පෙත්සම විභාගයට නොගෙනම ප්රතික්ෂේප කිරීමට ශ්රේෂ්ඨාධිකරණය අද (08) තීන්දු කළේය.
ඒ, අගවිනිසුරුවරයා ප්රමුඛ පංච පුද්ගල විනිසුරු මඬුල්ලක් හමුවේ එම පෙත්සම අද කැඳවූ අවස්ථාවේදී ය.
රුපියල් 100,000 ක නඩු ගාස්තුවකට යටත්ව පෙත්සම ප්රතික්ෂේප කළ ශ්රේෂ්ඨාධිකරණය එම නඩු ගාස්තුව මසක් ඇතුළත අධිකරණයේ තැන්පත් කරන ලෙස පෙත්සම්කරුට නියෝග කරන ලදී.
මෙම පෙත්සම ගොනුකර තිබුණේ සී. ඩී. ලෙනව නම් ව්යාපාරිකයකු විසිනි.