සටහන – රෂිකා හෙන්නායක ජූලි 11, කොළඹ (LNW):
අද (11) දින ප්රවාහන හා මහාමාර්ග අමාත්යංශය මගින් රුපියල් මිලියන 5278 ක වියදමින් ඉදිකළ කොම්පඤ්ඤවීදිය හා විනිසුරු අක්බාර් මාවත අතර දුම්රිය මාර්ගයට ඉහළින් ඉදිකරන ලද ගුවන් පාලම් ව්යාපෘතියේ දෙවන අදියර ජනාධිපති රනිල් වික්රමසිංහ මහතා අතින් විවෘත කෙරිණි .
මෙහි ප්රධාන අරමුණ වූයේ, දෛනික දුම්රිය ගමන්වාර 109 ක් සඳහා දුම්රිය ගේට්ටු වසා තැබීම නිසා සිදුවන ප්රමාදය හා මාර්ග තදබදය මඟහරවා ගැනීමයි .
![](https://sinhala.lankanewsweb.net/wp-content/uploads/2024/07/unnamed-file-4-1024x833.jpg)
මෙම ව්යාපෘතිය මාර්ග සංවර්ධන අධිකාරිය විසින් සිදු කරන අතර, ඉදිකිරීම් කටයුතු සිදු කළේ මාගා ඉංජිනේරු සමාගම (Maga Engineering) විසිනි.
![](https://sinhala.lankanewsweb.net/wp-content/uploads/2024/07/450305593_877982884361333_7555289818741661962_n-1024x671.jpg)
රජයේ කාර්යාල, රෝහල්, ආගමික ස්ථාන, ආපනශාලා, චිත්රපට ශාලා ඇතුළු විවිධ ආයතනයන්ගෙන් සමන්විත ඉතා කාර්යබහුල වාණිජ නාගරික ප්රදේශයක් වන කොම්පඤ්ඤවීදිය ප්රදේශයේ පිහිටි දුම්රිය හරස් මාර්ගය හේතුවෙන් දෛනිකව පැය 3කට ආසන්න කාලයක් අපතේ යන බව නිරීක්ෂණය වී තිඹුණු අතර,මෙම ගුවන් පාලම් ව්යාපෘතියේ නිමවීමත් සමඟ කොම්පඤ්ඤවීදියේ සිට ගාලුමුවදොර දෙසට හා ජනාධිපති ලේකම් කාර්යාලය දෙසට රථවාහන තදබදයකින් තොරව ගමන් කිරීමේ හැකියාව හිමිවන අතර වාහන තදබදය නිසා නිකරුණේ මහමඟට වැයවුණු ජනතාවගේ කාලය ජාතික ආර්ථිකයට එක්කර ගැනීමට හැකියාව ලැබෙනු ඇතැයි විශ්වාස කෙරේ,
![](https://sinhala.lankanewsweb.net/wp-content/uploads/2024/07/unnamed-file-2-1024x686.jpg)
ප්රවාහන, මහාමාර්ග හා ජනමාධ්ය අමාත්ය බන්දුල ගුණවර්ධන, ජනාධිපති කාර්ය මණ්ඩල ප්රධානි හා ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක සාගල රත්නායක, ප්රවාහන හා මහාමාර්ග අමාත්යාංශයේ ලේකම් රංජිත් රූබසිංහ යන මහත්වරුන් ඇතුලු පිරිසක් මේ අවස්ථාවට සහභාගි වී සිටි බව සඳහන් වේ.
![](https://sinhala.lankanewsweb.net/wp-content/uploads/2024/07/unnamed-file-3-1024x676.jpg)
![](https://sinhala.lankanewsweb.net/wp-content/uploads/2024/07/LNW-Newsroom-ad-at-the-bottom-Sin-74-1024x137.png)