කථානායක මහින්ද යාපා අබේවර්ධන මහතාගේ ප්‍රධානත්වයෙන් පාර්ලිමේන්තුවේදී පැවති පක්ෂ නායක රැස්වීම මේ වන විට අවසන් වී තිබේ.
ඊට අගමැති රනිල් වික්‍රමසිංහ මහතා සහභාගී වී නොමැති අතර පොලිස්පතිවරයා ඇතුළු ත්‍රිවිධ හමුදාපතිවරුන්ද අද පක්ෂ නායක හමුවට කැඳවා ඇත.
මෙම රැස්වීමට සහභාගිවීමට පෙර ඔවුන් අගමැතිවරයා හමු වී තිබෙන අතර ජන මතයට හිස නමා ධූරයෙන් ඉල්ලා අස්වෙන ලෙසයි අගමැතිවරයාගෙන් ඉල්ලා ඇත්තේ.
මේ අතර දැනටමත් පොල්දූව පාර්ලිමේන්තුව පිවිසුමෙන් ජනතාව දහස් ගණනින් ඉදිරියට ඇදෙමින් සිටින අතර පාර්ලිමේන්තුවට පිවිසීමට තැත් කළහොත් ප්‍රතිප්‍රහාර එල්ල කිරීමට ආරක්ෂක ප්‍රධානීන් පක්ෂ නායකයින්ගෙන් අවසර ඉල්ලා ඇති නමුත් ඔවුන් ඊට එකඟතාව පළකර නැත.
කිසිලෙසකින්වත් ජනතාවට පහර දීමට අවසර දිය නොහැකි බවයි පක්ෂ නායකයින් අවධාරණය කර ඇත්තේ.
රට තුළ පවතින තත්ත්වය සමනය කර ගැනීම සඳහා අගමැතිවරයා වැඩ බලන ජනාධිපති ධූරයෙන් මෙන්ම අගමැති ධූරයෙන් ද ඉල්ලා අස් විය යුතු වන අතර කථානායකවරයා වැඩ බලන ජනාධිපතිවරයා ලෙස පත්කරගෙන ඉදිරි කටයුතු පවත්වාගෙන යාමට පක්ෂ නායකයින් එහිදී එකඟතාවකට පැමිණ තිබේ.
ASK
