සටහන – රෂිකා හෙන්නායක
කොළඹ (LNW): ජනාධිපති පදවිප්රාප්තිය වෙනුවෙන් උත්සව සංවිධානය කිරීම සම්බන්ධයෙන් පාර්ශව කිහිපයක් සිදුකළ ඉල්ලීම් සැලකිල්ලට ගනිමින් ජනාධිපතිවරයා ඔවුන්ට උපදෙස් ලබා දී ඇත්තේ , තම පදවිප්රාප්තිය වෙනුවෙන් කිසිදු උත්සවයක් සංවිධානය නොකරන ලෙසය.
එළැඹෙන 21 වන දිනට රනිල් වික්රමසිංහ මහතා ජනාධිපති ධුරයට පත් වී වසරක් සම්පුර්ණ වීමට නියමිත අතර , පසුගිය වසරේ ජුලි මස 20 වන දින පාර්ලිමේන්තුවේ පැවති ඡන්ද විමසීමකදී ජන්ද 134ක් ලබා ගනිමින් රනිල් වික්රමසිංහ මහතා අනුප්රාප්තික ජනාධිපතිවරයා ලෙස පත්වූ විය .
රජයට සහ ජනාධිපතිවරයාට හිතවත් පාර්ශව පෙන්වා දී ඇත්තේ, පත්ව තිබූ අරාජිකත්වයෙන් රට සාමාන්යකරණයකට පත් කර ඇති හෙයින් පදවිප්රාප්ති උත්සවයක් සංවිධානය කළ යුතු බව වුවත් , කිසිදු මහජන මුදලක් හෝ පෞද්ගලික මුදලක් වැය කොට පදවිප්රාප්ති උත්සවයක් සංවිධානය කිරීම අවශ්ය නොවන බව ඊට ප්රතිචාර දක්වමින් ජනාධිපතිවරයා පවසා ඇත .
ලබන 21 වනදා ජනාධිපති රනිල් වික්රමසිංහ මහතා ලබන නිල සංචාරයක් සඳහා ඉන්දියාවට යාමට නියමිත බව තොරතුරු වාර්තා වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
