සටහන – රෂිකා හෙන්නායක
කොළඹ (LNW): ලබන මහ කන්නයේ දී සියලු ගොවීන්ට පොහොර මිල දී ගැනීම සඳහා වවුචර්පත් වෙනුවට ගොවි ගිණුම්වලට මුදල් නිකුත් කිරීමට ද රජය තීරණය කර ඇති බව කෘෂිකර්ම අමාත්යවරයා පවසයි .
ඒ අනුව මහින්ද අමරවීර මහතා සදහන් කරන්නේ, ගොවි ජනතාවට සිය කැමැත්ත පරිදි පෞද්ගලික අංශයෙන් හෝ රජයේ පොහොර සංස්ථාව මඟින් රසායනික පොහොර හෝ කාබනික පොහොර මිල දී ගැනීමට හැකි බවයි .
තවද, කෘෂිකර්ම අමාත්යංශය නිවේදනය කරන්නේ , එළැඹෙන මහ කන්නයේ දී තවත් රසායනික පොහොර වර්ගයක් නොමිලයේ ගොවීන්ට ලබාදීමට සැලසුම් කර ඇති බවයි.
අමාත්යවරයා පැවසූවේ , මේ සම්බන්ධයෙන් ජනාධිපති රනිල් වික්රමසිංහ මහතා සමඟ සාකච්ඡා කර ඇති අතර, ඒ සදහා ජනාධිපතිවරයා යහපත් ප්රතිචාර දක්වා ඇති බවයි .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
