සටහන – රෂිකා හෙන්නායක
කොළඹ (LNW): ජනාධිපති මාධ්‍ය කේන්ද්‍රයේ අද (16) පැවැති මාධ්‍ය හමුවකට එක්වෙමින්, ජනමාධ්‍ය රාජ්‍ය අමාත්‍ය ශාන්ත බණ්ඩාර මහතා ප්‍රකාශ කළේ , තැපැල් දෙපාර්තමේන්තුව නව්‍යකරණය සඳහා නව පනතක් මෙම වසර අවසානයට පෙර පාර්ලිමේන්තුවට ඉදිරිපත් කරන බවයි.
තව දුරටත් ඔහු සඳහන් කළේ, පවතින තැපැල් ආඥා පනත මඟින් තැපෑල නව්‍යකරණයට බාධා පවතින බැවින් කඩිනමින් එය සංශෝධනය කිරීමට පියවර ගනිමින් සිටින අතර එහි කටයුතු මේ වන විටත් සියයට 80කින් අවසන් කර ඇති බවයි.
රාජ්‍ය අමාත්‍යවරයා මෙහිදී සඳහන් කළේ, පෞද්ගලික හා රාජ්‍ය අංශයේ ඒකාබද්ධ ව්‍යාපෘතියක් ලෙස රුපියල් බිලියන 10ක වියදමින් මෙම නව්‍යකරණ කටයුතු සිදු කිරීමට සැලසුම් කර ඇති බවත් , කිසිවිටක තැපෑල ඈවර කිරීමට ඉඩ නොතබන බවයි .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
