වැඩබලන ජනාධිපති රනිල් වික්‍රමසිංහ මහතාගේ පාර්ලිමේන්තු මන්ත්‍රී ධුරය අහෝසි කරන ලෙස ඉල්ලා විනිවිද පෙරමුණේ ලේකම් නාගානන්ද කොඩිතුවක්කු මහතා විසින් ගොනුකර තිබුණු පෙත්සම විභාගයට නොගෙන නිෂ්ප්‍රභ කිරීමට ශ්‍රේෂ්ඨාධිකරණය අද (19) නියම කළේය.
ඒ, එම මූලික අයිතිවාසිකම් පෙත්සම ගාමිණී අමරසේකර, ශිරාන් ගුණරත්න සහ ජනක් ද සිල්වා යන විනිසුරු මඬුල්ල හමුවේ කැඳවූ අවස්ථාවේදීය.
මහමැතිවරණයට තරග කර පරාජයට පත්වූ පුද්ගලයෙකුට ජාතික ලැයිස්තුවෙන් පාර්ලිමේන්තු මන්ත්‍රීවරයකු ලෙස පත්විය නොහැකි බව පවසමින් නාගානන්ද කොඩිතුවක්කු මහතා මෙම පෙත්සම ගොනුකර තිබිණි.
RN
