අද (20) දිනයේ පාර්ලිමේන්තුවේ පැවැත්වෙන ඡන්ද විමසීමෙන් ජයග්රහණය කර, රනිල් වික්රමසිංහ මහතා ජනාධිපති ධුරයට පත්වුවහොත් ඉදිරියේදී අග්රාමාත්ය ධුරයට බැසිල් රාජපක්ෂ මහතා පැමිණෙනු ඇති බව දේශපාලන ආරංචිමාර්ග පවසයි.
මෙය එක්වරම සිදු නොවුණත් ක්රමිකව සිදුවනු ඇති බවයි ආරංචිමාර්ග සඳහන් කළේ.
එක්සත් ජාතික පක්ෂය වශයෙන් රනිල් වික්රමසිංහ මහතා සතුව පාර්ලිමේන්තුවෙහි ඇත්තේ එක් ඡන්දයක් පමණක් වන අතර දැනටත් සමස්ත ආණ්ඩු පක්ෂ යාන්ත්රණයම මෙහෙයවනු ලබන්නේ ශ්රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ මහතා විසිනි. රනිල් වික්රමසිංහ මහතා ජනාධිපති ධුරයට පත්කිරීමේ ඡන්ද ව්යාපාරය මෙහයවනු ලබන්නේ ද බැසිල් රාජපක්ෂ මහතා විසින් වන අතර ඩලස් – සජිත් එක්ව තරගවදින බව ප්රකාශයට පත්කිරීමත් සමග බොහෝ අය තුළ පසුබෑමක් දක්නට ලැබුණු නමුත් බැසිල් පසුබැස්සේ නැත.
එසේම රනිල් වික්රමසිංහ මහතා අග්රාමාත්යවරයා වශයෙන් සිටිමින් පාර්ලිමේන්තුවට ඉදිරිපත් කළ 22 වැනි ආණ්ඩුක්රම ව්යවස්ථා සංශෝධනය හරහා විධායක ජනාධිපති ධුරයෙහි බලතල යම් ප්රමාණයක් අඩුකිරීමට ද නියමිතව ඇති අතර එයින් බලවත් වන අග්රාමාත්ය ධුරය වෙනුවෙන් බැසිල් රාජපක්ෂ මහතා නිසි මොහොතේදී ඉදිරිපත් වනු ඇති බවත් ආරංචිමාර්ග ප්රකාශ කළේය.
RN
