සටහන – රෂිකා හෙන්නායක
කොළඹ (LNW): අද (20) පාර්ලිමේන්තුවේදී කම්කරු සහ විදේශ රැකියා අමාත්යවරයා වෙත යොමු කළ ප්රශ්නයක් සම්බන්ධයෙන් අතුරු ප්රශ්නයක් යොමු කරමින් පාර්ලිමේන්තු මන්ත්රී යදාමිණි ගුණවර්ධන මහතා ප්රකාශ කළේ , විදේශගත රැකියාවල නියුක්තව සිටින ශ්රී ලාංකිකයන් උපයන මුදල්වලින් රටට ලැබෙන්නේ භාගයක් පමණක් බවයි.
එහිදී , මන්ත්රීවරයා පැවසුවේ ඉතිරි මුදල් ප්රමාණයත් රටට ගෙන්වාගැනීමට වැඩපිළිවෙළක් අත්යවශ්ය බවත් මෙරටට විදේශ සංචිත අත්යවශ්ය මොහොතක විදේශගත ශ්රී ලාංකිකයින් රටට එවන මුදල් ප්රමාණය දෙගුණයක් කළ හැකි බවයි.
මන්ත්රීවරයා මෙහිදී කියා සිටියේ , මහ බැංකුව ඇතුළු මෙරට බැංකු හා මූල්ය පද්ධතිය ඒ පිළිබඳ කිසිඳු ඉදිරි පියවරක් තබා නොමැති බවත්ය.
තවදුරටත් ඔහු පැවසූවේ , රටවිරුවන් දාහතර ලක්ෂයක් ( 1400,000 ) සිටියද , ඔවුන් නිසි තොරතුරු පද්ධතියක් තුළ නොමැති වීම බරපතල පාඩුවක් බවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
