කොළඹ LNW:ලංකා ලුණු සමාගම මාස 18 කට පසු යළි හම්බන්තොට ලුණු නිෂ්පාදනය ආරම්භ කර තිබේ.
අයහපත් කාලගුණික තත්ත්වය හේතුවෙන් මීට මාස 18 කට පෙර හම්බන්තොට ලුණු නිෂ්පාදනය නතර කිරීමට සිදුව තිබුණු අතර අද (21) උදෑසන සුබ මොහොතින් යළිත් ලුණු නිෂ්පාදනය ආරම්භ කරමින් බුන්දල ලේවායේ ලුණු කැඩීම ආරම්භ විය.
පසුගිය වසරේ ලුණු මෙට්රික් ටොන් ලක්ෂයක් අපේක්ෂා කළත් ලබාගැනීමට හැකි වී තිබුණේ ලුණු මෙට්රික් ටොන් 40,000 ක් පමණ වන අතර හෙට (22) දිනයේදී හම්බන්තොට මහලේවායේත් ලුණු අස්වැන්න නෙලීම ආරම්භ කිරීමට නියමිතයි.
