රාජ්‍ය ආදායමේ වැඩි වීමක්!

කොළඹ LNW:2025 ජනවාරි සිට මැයි දක්වා මාස 05ක කාලපරිච්ඡේදය තුළ දී රුපියල් බිලියන 1,942.36ක රාජ්‍ය ආදායමක් වාර්තා වී ඇති බව ශ්‍රී ලංකා මහ බැංකුව පවසයි.

මෙය 2024 වසරේ මුල් මාස 05 දී රාජ්‍ය ආදායම් අගය වූ රුපියල් බිලියන 1,619.23 හා සැසඳීමේ දී 19.95%ක වර්ධනයක් ලෙස දැක්වෙයි.

මෙම රාජ්‍ය ආදායම ඉහළ යාමට බදු ආදායමේ වැඩි වීම බලපා තිබේ.

ඒ අනුව රජයේ බදු ආදායම මෙම වකවානුව තුළ දී රුපියල් බිලියන 1,491.25 සිට රුපියල් බිලියන 1,802.48 ක් දක්වා 20.87%කින් ඉහළ ගොස් ඇත.

ආශිකා බ්‍රාහ්මණ