සීදූව ප්‍රදේශයේදී ඊයේ (ජුලි 21) සිදුකළ වෙඩිතැබීමකින් ජාතික ජන බලවේගයේ නාගරික මන්ත්‍රීවරයකුගේ පියා තුවාල ලබා රාගම ශික්ෂණ රෝහලට ඇතුළත් කර තිබේ.
ඊයේ රාත්‍රී 8.15 ට පමණ සීදූව, රාජපක්ෂපුර ප්‍රදේශයේදී යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් මෙම වෙඩිතැබීම සිදුකර පළාගොස් ඇත.
වෙඩි වැදීමෙන් තුවාල ලබා ඇත්තේ 55 හැවිරිදි අයෙකු වන අතර ඔහු යුද හමුදාවේ සේවය කර විශ්‍රාම ලැබූ අයෙකු බවත් සඳහන්.
වෙඩිතැබීමට හේතුව මෙතෙක් අනාවරණය වී නොමැති අතර මීගමුව කොට්ඨාස අපරාධ විමර්ශන ඒකකය සහ සීදූව පොලීසිය වැඩිදුර විමර්ශන සිදුකරයි.
