සටහන – පුන්සරා ලියනගේ
ජූලි 24, LNW කොළඹ: චීනය එහි වයස්ගත ජනගහනයට සහ විශ්‍රාම වැටුප් ක්‍රමයට සාර්ථකව මුහුණ දීම සඳහා ඉදිරි වසර පහ තුළ සිය ව්‍යවස්ථාපිත විශ්‍රාම වයස ක්‍රමයෙන් ඉහළ නැංවීමේ සූදානමක් පිළිබඳ ප්‍රකාශයට පත් කර තිබේ.
1949 කොමියුනිස්ට් විප්ලවය වන විට යන්තම් අවුරුදු 36 ක් වූ රටේ ආයු අපේක්ෂාව දැන් අවුරුදු 78 දක්වා ඉහළ ගොස් ඇති බව ද චීනය පෙන්වා දෙයි.
නමුත් චීනයේ විශ්‍රාම යන වයස ලෝකයේ අඩුම විශ්‍රාම යෑමේ වයස් මට්ටම ලෙස පවතින අතර එය පිරිමින් සඳහා අවුරුදු 60, රජයේ රැකියා කරන කාන්තාවන් සඳහා අවුරුදු 55 සහ කම්කරු පන්තියේ කාන්තාවන් සඳහා අවුරුදු 50 ලෙස විය.
විශ්‍රාම වයස වැඩිකිරීමේ සැලැස්ම, තුන්වන ප්ලේනම් ලෙස හඳුන්වන පස් අවුරුදු ඉහළ මට්ටමේ කොමියුනිස්ට් පක්ෂ රැස්වීමේ දී පසුගිය සතියේ සම්මත කරගත් යෝජනා මාලාවක කොටසක් ද විය.
