කොළඹ LNW:ඉන්දියාවෙන් ගෙනා බිත්තර සතොස හරහා ජනතාවට ලබාදීමට වෙළද අමාත්යවරයා ගෙන තිබෙන තීරණය ඇතැම් මාෆියා සංගම් විසින් වැළැක්වීමට උත්සාහයක් පවතින අතර ඊට විරෝධය පළකරමින් එම වැඩසටහන ක්රියාත්මක කරන ලෙස ඉල්ලමින් සමස්ත ලංකා ආපනශාලා හා අවන්හල් හිමියන්ගේ සංගමය පාරිභෝගික කටයුතු පිළිබද අධිකාරියෙන් ඉල්ලා සිටියි.
ඉන්දියාවෙන් ආනයනය කරන ලද බිත්තර ආහාරයට ගැනීම නිසා රෝගාතුරු වූ බවට ඇතැමුන් සිදුකරන ප්රකාශ අසත්ය බවයි එම සංගමය අවධාරණය කරන්නේ.
එම සංගමයේ සභාපති හර්ෂණ රුක්ෂාන් මහතා සඳහන් කරන්නේ දේශීය බිත්තර සංගම් ජනතාව බිල්ලට ගෙන සිටින බවයි.
”අපි නලීන් ප්රනාන්දු අමාත්යවරයාගෙන් ඉල්ලුවා ඉන්දියන් බිත්තරය බෙදාහරින්න කියලා. ඒක සතොසෙන් දෙන්න පටන්ගන්න හදනවා. නලීන් ප්රනාන්දු මහතාට ස්තූති කරනවා. දැන් සංගම් ඇවිත් කියනවා මේ බිත්තර දැම්මාම කොත්තුව රෝල්ස් එක නරක් වෙනවාලු. ඉන්දියන් බිත්තරෙන් විතරද කෑම කුණුවෙන්නේ. ඒවා මේවා කියන්නේ කොමිස් අරගෙන. අපි කියන්නේ පුංචි මිනිහට බිත්තරයක් කන්න අවස්ථාව දෙන්න කියලා. ෆ්රීමා එකටත් කියනවා පිටි මිල පාලනය කරන්න සූදානම් වෙන්න එපා කියලා. ඇමතිවරයා ඉන්දියන් බිත්තර සතොස හරහා විකුණන්න හදන එක සංගම් නවත්වන්න හදනවා. අපි පාරිභෝගික අධිකාරියට ඇවිත් කිව්වේ ඒක නවත්වන්න දෙන එපා කියලා.” යනුවෙන් ඔහු වැඩිදුරටත් කියාසිටියි.
ASK
