සටහන – රුවන් නෙළුගොල්ල
ජනාධිපතිවරණය ප්‍රකාශයට පත්කිරීමේ නිවේදනය අඩංගු අතිවිශේෂ ගැසට් පත්‍රය මුද්‍රණය සඳහා රජයේ මුද්‍රණාලය වෙත භාරදී ඇති බව වාර්තා වේ.
ඊයේ රාත්‍රියේ ලැබුණු එම ගැසට්ටුව අද (26) උදෑසන වනවිට ප්‍රකාශයට පත් කෙරෙනු ඇති බවයි වාර්තා වන්නේ.
ඊයේ පෙරවරුවේ රැස්වූ මැතිවරණ කොමිසම තීරණය කර තිබුණේ ජනාධිපතිවරයා තෝරාපත් කර ගැනීම පිළිබඳ පනතේ නෛතික විධිවිධාන අනුව ජනාධිපතිවරයා තෝරාපත් කරගැනීම සඳහා නියමය පළ කරන දිනය, නාමයෝජනා භාරගැනීමේ දිනය, ස්ථානය සහ ඡන්ද විමසීමේ දිනය පිළිබඳව දැනුම් දීමේ අතිවිශේෂ ගැසට් පත්‍රය අද (26) දිනයේ නිකුත් කිරීමටයි.
