ශ්රී ලංකා නිදහස් පක්ෂයේ ලොකු පුටුවකට අලුතින් කෙනෙක් ගේන්න සූදානමක් තියෙනවා ලු.
අලුතින් කිව්වාට ඉතින් අලුතින්මත් නෙවෙයි ලු, කලිනුත් ඒ පුටුවේම ඉඳපු උතුරුමැද පළාතේ එක්කෙනෙක් ආපහු ලියන මහත්තැන් තනතුරට එනවා කියලා තමයි ආරංචි.
ශ්රීලනිපයේ ඉඳන් ආණ්ඩුවට පැනපු කට්ටිය ආපහු ගෙන්නාගෙන පරණ තනතුරු ටිකත් ආපහු දුන්නානේ මීට ටික දවසකට කලින්. එහෙම ආපහු ආපු අයගේ සපෝට් එක තියෙන්නේ මේ උතුරුමැද පළාතේ එක්කෙනාට ලු. සංවිධායකවරුත් එයා එක්ක වැඩ කරන්න කැමතියි ලු.
දැනට ඉන්න ලියන මහත්තයායි, එක්සත් ජනතා නිදහස් සන්ධානෙ අලුත් ලියන මහත්තයායි දෙන්නා නම් මේ වැඩේට කොහෙත්ම කැමති නැතිවුණත් පක්ෂ නායක මහත්තයා වැඩේට කැමති නිසා කොහොමත් වැඩේ ඉක්මනින් කෙරෙයි කියලා තමයි කතාව යන්නේ.
CW
