සටහන – රෂිකා හෙන්නායක
කොළඹ (LNW): ජපාන විදේශ කටයුතු අමාත්‍ය හයාෂි යොෂිමසා මහතා සහ 22 දෙනෙකුගෙන් සමන්විත දූත පිරිසක් දෙදින නිල සංචාරයකක් සඳහා හෙට (28) දිවයිනට පැමිණෙන බව විදේශ කටයුතු අමාත්‍යාංශය සඳහන් කරයි.
සංචාරයට එක්වන පිරිස අතර ජපාන ජ්‍යෙෂ්ඨ විදේශ ප්‍රතිපත්ති සම්බන්ධීකාරක මුරකමී මනබූ, අග්නිදිග සහ නිරිතදිග ආසියානු කටයුතු පිළිබඳ අධ්‍යක්ෂ ජනරාල් අරිමා යුටකා යන මහත්වරුන් ද වේ.
ජපාන විදේශ කටයුතු අමාත්‍යවරයා ඇතුළු පිරිස, ජනාධිපතිතුමා, අග්‍රාමාත්‍යවරයා සහ විදේශ කටයුතු අමාත්‍යවරයා හමුවීමට නියමිත බවයි වාර්තා වන්නේ.විදේශ කටයුතු අමාත්‍යාංශය පැවසුවේ, ඔවුන් ජපාන ආධාර යටතේ ක්‍රියාත්මක ව්‍යාපෘති නිරීක්ෂණයට ද එක්වන බවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
