මේ රටේ නීතියේ ආධිපත්‍යය යළි ස්ථාපිත කළයුතුව ඇති බවත් ඒ සම්බන්ධයෙන් කළයුතු සියලුම දෑ ජනාධිපති රනිල් වික්‍රමසිංහ මහතා විසින් කරනු ඇති බවට තමන්ට දැඩි විශ්වාසයක් පවතින බවත් ශ්‍රී ලංකා පොදුජන පෙරමුණේ මහලේකම් සාගර කාරියවසම් මහතා අවධාරණය කරයි.
“රාජපක්ෂවරුන් මේ රටට තියෙන ළෙංගතුකම පිළිබඳව විශ්වාසය තියපු පුද්ගලයින්ට නැවත වතාවක් ඒ සත්‍යය උඩට ඇවිල්ලා ඒක ඔප්පු වෙන දවස වැඩි ඈතක නොවෙන බවට අපි විශ්වාස කරනවා. මම හිතනවා නැවතත් මේ ජනතාව අපිත් එක්ක එකතුවෙලා මේ රටට ආදරය කරන ජනතාව අපිත් එක්ක හිටගනී කියන එක. මේ රටේ ජාතික බලවේගය නියෝජනය කළේ රාජපක්ෂවරුන්. අද ඒ ජාතික නියෝජනයට, ජාතික මතයට දැඩි පහරක් වැදිලා තියෙන්නෙ. පළමුවෙන්ම මේ රටේ නීතියේ ආධිපත්‍යය අපි ස්ථාපිත කරන්න ඕනෙ, අභිනව ජනාධිපතිවරයා ඒ සම්බන්ධයෙන් සියලු පියවර ගන්නවා කියලා අපට දැඩි විශ්වාසයක් තියෙනවා”
සාගර කාරියවසම් මහතා මේ බව පැවසුවේ ඊයේ (28) පක්ෂ මූලස්ථානයේ පැවති මාධ්‍ය හමුවක් අමතමිනි.
RN
