රෂිකා හෙන්නායක අගෝස්තු 01, කොළඹ (LNW):
මේ වනවිට දිවයිනට පැමිණ සිටින ජාත්යන්තර මූල්ය අරමුදලේ නියෝජිතයින් පිරිස ජනාධිපති රනිල් වික්රමසිංහ මහතා හමුවීමට නියමිතව තිබෙන බව සඳහන් වේ.
එහිදි ජාත්යන්තර මූල්ය අරමුදලේ සිව්වන වාරිකය ලබාගැනීම සම්බන්ධයෙන් අවධානය යොමුකිරීමට නියමිත බව මුදල් රාජ්ය අමාත්ය ශෙහාන් සේමසිංහ මහතා සඳහන් කළ අතර ,කිසිදු ප්රමාදයකින් තොරව මැතිවරණ කාලය තුළත් එම වැඩසටහනේ කිසිදු ආකාරයක විතැන් වීමක් සිදු නොවී රටේ පවතින ආර්ථික ස්ථාවරත්වය ඉදිරියට ගෙන යන බව ඔහු පවසයි.
තුන්වෙනි සමාලෝචනය තුළ ලැබෙන 4 වෙනි වාරිකය යම් ආකාරයකින් ප්රමාද වුවහොත් එය ලංකාවේ ආර්ථිකයේ ස්ථාවරත්වය විශාල බලපෑමක් ඇති කරන බවද අමාත්යවරයා වැඩිදුරටත් කියා සිටියේය.
