රෂිකා හෙන්නායක අගෝස්තු 01 , කොළඹ LNW :
කොළඹ වරායට බටහිර දෙසින් වූ මුහුදේදී වෙළඳ නෞකාවකින් හිස් බහාලුම් 17ක් මුහුදට වැටී ඇති බවට ධීවර හා ජලජ සම්පත් දෙපාර්තමේන්තුව නිල අනතුරු ඇඟවීමක් නිකුත් කර තිබේ.
සාගර දියවැල් හේතුවෙන් මෙම බහාලුම් බේරුවල සිට පුත්තලම දක්වා වූ වෙරළ තීරයට ගසාගෙන ඒමේ දැඩි අවදානමක් පවතින බව එම නිවේදනය පෙන්වා දෙයි.
මේ නිසා එම මුහුදු කලාපයේ යාත්රා කරන සියලුම ධීවරයින් අතිශයින් සුපරීක්ෂාකාරී විය යුතු අතර ඕනෑම හදිසි නිරීක්ෂණයක් වහාම බලධාරීන්ට දැනුම් දිය යුතුය.
විශේෂයෙන්ම බහුදින සහ කුඩා යාත්රා මෙම පාවෙන බහාලුම්වල ගැටීම වැළැක්වීම සඳහා දැඩි අවධානයෙන් කටයුතු කළ යුතු බව මෙහිදී අවධාරණය කෙරේ.
මෙම පියවර මගින් මුහුදේ සිදුවිය හැකි අනතුරු අවම කරමින් නාවික ප්රජාවගේ ආරක්ෂාව තහවුරු කිරීමට අපේක්ෂා කෙරේ.
