කොළඹ සිට නුවර එළිය බලා ධාවනය වෙමින් තිබූ ලංගම බස් රථයක් අද (01) අළුයම 04.30 ට පමණ ප්රපාතයකට පෙරළීමෙන් පුද්ගලයින් 18 දෙනෙකු තුවාල ලබා ඇති බව වාර්තා වේ.
කොළඹ – හැටන් ප්රධාන මාර්ගයේ වටවල සිංහල විදුහල අසලදී මෙම අනතුර සිදුව ඇති බව සඳහන්.
ප්රතිවිරුද්ධ දිශාවෙන් ඉදිරියට පැමිණි බස් රථයකට ඉඩදීමට යාමේදී මෙසේ අදාළ බස් රථය මාර්ගයෙන් ඉවතට ලිස්සා ගොස් ප්රපාතයට පෙරළී ඇති බවයි වාර්තා වන්නේ.
අනතුරෙන් තුවාල ලැබූ 18 දෙනෙකු වටවල ප්රාදේශීය රෝහලට ඇතුළත් කර තිබුණු අතර ඔවුන් අතරින් බරපතළ තත්වයේ පසුවූ 5 දෙනෙකු නාවලපිටිය දිස්ත්රික් රෝහල වෙත මාරුකර යවා ඇත.
අනතුරට ලක්වන අවස්ථාවේ බස් රථයෙහි මගීන් 100 දෙනෙකු ගමන් කරමින් සිට ඇති බවත් වාර්තා විය.
RN
