කොළඹ LNW:ජාතික ජන බලවේගයේ රට ගොඩනගන සැලසුම්වල අංක එක අධ්‍යාපනය බව එහි නායක පාර්ලිමේන්තු මන්ත්‍රී අනුර දිසානායක මහතා පැවසුවේය.
කඩ වැටී තිබෙන ආර්ථිකයට,වැඩි වී තිබෙන අපරාධ, නීතියේ බිඳවැටීම ඇතුළු සියලු සමාජ අර්බුදවල විසඳුම වන්නේ අධ්‍යාපන බවයි අනුර දිසානායක මහතා සඳහන් කළේ.
2017 වසරේ පමණක් 99000ක් රිමාන්ඩ් බන්ධනාගරගත වී තිබෙන අතර ඉන් 83%ක් සාමාන්‍ය පෙළට පහළින් අධ්‍යාපනයක් ඇති අය බවටද අනාවරණය වී තිබෙන බව සඳහන් කළ ජාතික ජන බලවේගයේ නායකයා කියා සිටියේ අපරාධ සහ අධ්‍යාපනය අතර පැහැදිලි සබඳතාවක් ඇති බවයි.
නූගත්කම විසින් අපරාධවලට පෙළඹවීමේ මෙන්ම අපරාධ කිරීමේ ප්‍රවණතාව වැඩිකරන බවයි ඔහු පැවසුවේ.
මේ අතර මෙරට මත්ද්‍රව්‍යවලට ඇබ්බැහි වූවන්ගෙන් 74%ක් අටේ පන්තියට පහළ අධ්‍යාපනයක් සහිත පිරිස් බවත් අනුර දිසානායක මහතා ප්‍රකාශ කරන ලදී.
ඒ අනුව ග්‍රාමීය දුප්පත්කමෙන් ගොඩ ඒමේ මාවත ඇත්තේ අධ්‍යාපනය තුළ බව ඔහු අවධාරණය කළේය.
අපරාධඅඩුකිරීමේ පාර අධ්‍යාපනය,නීතියක්,විනයක් සහිත රටක පාර අධ්‍යාපනය,මත්ද්‍රව්‍යවලින් තොර රාජ්‍ය අධ්‍යාපනය, දුප්පත්කමෙන් තොර රාජ්‍ය අධ්‍යාපනය පොහොසත් රටක් අධ්‍යාපනය වන හෙයින් රට ඉදිරියට ගෙන යාමේ වැදගත්ම මෙවලම වන්නේ අධ්‍යාපනය බව ඔහු තවදුරටත් ප්‍රකාශ කළේය.
අනුර දිසානායක මහතා මෙම අදහස් පළකළේ අද (02) ලංකා ගුරු සංගමයේ ජාතික සමුළුව අමතමිනි.
ආශිකා බ්‍රාහ්මණ
