කොළඹ LNW: ශ්‍රී ලංකා නිදහස් පක්ෂයේ මහ ලේකම් දයාසිරි ජයසේකර මහතා ඇතුළු කණ්ඩායම එළඹෙන ජනාධිපතිවරණයේදී සමඟි ජන බලවේගයේ නායක සජිත් ප්‍රේමදාස මහතා වෙත සහය දැක්වීමට තීරණය කර තිබේ.
ශ්‍රී ලංකා නිදහස් පක්ෂයේ මධ්‍යම කාරක සභාව සහ සංවිධායකයින් අතර මේ සම්බන්ධයෙන් වූ සාකච්ජාවකින් අනතුරුව සජිත් ප්‍රේමදස මහතාට සහය දැක්වීමට තීරණය කළ බවයි ඒ ගැන මාධ්‍ය වෙත දැනුම් දෙමින් දයාසිරි ජයසේකර මහතා පැවසුවේ.
පක්ෂයෙක් ලෙස මෙය ඓතිහාසික තීරණයක් වන බවත් අමාත්‍ය නිමල් සිරිපාල ද සිල්වා ඇතුළු කණ්ඩායම පක්ෂයේ අවසරයකින් තොරව රනිල් වික්‍රමසිංහ ජනාධිපතිවරයා වෙත සහය දීමට තීරණයක් ගත් නමුත් එය අලුත් තීරණයක් නොවන බවද ජයසේකර මහතා කියාසිටියේය.
මේ අතර ශ්‍රීලනිප හිටපු සභාපති මෛත්‍රීපාල සිරිසේන මහතා ප්‍රකාශ කළේ ශ්‍රී ලංකා නිදහස් පක්ෂයේ සහය හිටපු අමාත්‍ය විජයදාස රාජපක්ෂ මහතා වෙත ලබා දෙන බවයි
ආශිකා බ්‍රාහ්මණ
