පාසල් සිසු සිසුවියන්ගේ අධ්‍යාපනය නඟා සිටුවනු සඳහා විපක්ෂ නායක සජිත් ප්‍රේමදාස මහතාගේ සංකල්පයක් මත ක්‍රියාත්මක කෙරෙන “සක්වල” වැඩසටහන යටතේ රුපියල් ලක්ෂ 50ක් වටිනා බස් රථයක් නොච්චියාගම විද්‍යා ආදර්ශ මහා විද්‍යාලයට පරිත්‍යාග කිරීම ඊයේ (02) සිදුකෙරිණි.
ඒ, විපක්ෂ නායක සජිත් ප්‍රේමදාස මහතාගේ ප්‍රධානත්වයෙනි.
මෙය මෙම වැඩසටහන යටතේ පාසල් සඳහා පරිත්‍යාග කෙරුණු 74 වැනි බස් රථය වේ.
සමගි ජන බලවේගය සහ විපක්ෂ නායක සජිත් ප්‍රේමදාස මහතාගේ මූලිකත්වයෙන්, විවිධ දානපතීන්ගේ ආධාර සහිතව මීට පෙර, පාසල් 73 ක් සදහා රුපියල් ලක්ෂ 50ක් බැගින් වටිනා බස් රථ 73ක් ලබා දුන් අතර ඒ සදහා වැයකර ඇති මුදල රු. 354,200,000.00 කි.
එසේම සුහුරු සිසුවකු නිර්මාණය කිරීමේ අරමුණ ඇතිව සිදු කරන සක්වල වැඩසටහන යටතේ පාසල් 33කට රු. 29,033,650.00ක සුහුරු පන්ති කාමර උපකරණ ද ලබා දී තිබේ.
එමෙන්ම, සමගි ජන බලවේගය සහ විපක්ෂ නායක සජිත් ප්‍රේමදාස මහතාගේ මූලිකත්වයෙන් සිදු කරන හුස්ම වැඩසටහන යටතේ මේ වනවිට දිවයින පුරා විවිධ ප්‍රදේශවල රෝහල් 56 කට රු. 171,966,900.00ක සෞඛ්‍ය උපකරණත් ලබාදී ඇත.
RN
