සටහන – රුවන් නෙළුගොල්ල
හිටපු ජනාධිපති රනිල් වික්රමසිංහ මහතාගේ පෞද්ගලික ලේකම්වරිය ලෙස කටයුතු කළ සැන්ඩ්රා පෙරේරා මහත්මියගෙන් අපරාධ පරීක්ෂණ දෙපාර්තමේන්තුව පැය හයකට ආසන්න කාලයක් තිස්සේ ප්රකාශයක් සටහන් කරගෙන තිබේ.
ඒ, රනිල් වික්රමසිංහ මහතා ජනාධිපති ධුරය දරණ සමයේ සිදුකළ ලන්ඩන් සංචාරයක් සම්බන්ධයෙනි.
හිටපු ජනාධිපති රනිල් වික්රමසිංහ මහතා සහ ඒ මහතාගේ බිරිඳ වන මහාචාර්ය මෛත්රී වික්රමසිංහ මහත්මිය රජයේ මුදල් වැය කරමින් 2023 වසරේදී ලන්ඩනයේ සංචාරයක නිරත වූ බවට චෝදනා එල්ල වී ඇති අතර ඒ සම්බන්ධයෙන් විමර්ශනයක් සිදුකෙරෙමින් පවතී.
ඊට අදාළව ප්රශ්න කිරීම සඳහා සැන්ඩ්රා පෙරේරා මහත්මිය ඊයේ (04) අපරාධ පරීක්ෂණ දෙපාර්තමේන්තුව හමුවට කැඳවා තිබිණි.
එසේම හිටපු ජනාධිපති ලේකම් සමන් ඒකනායක මහතාට ද අද (05) දිනයේදී අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස දැනුම් දී ඇති බවත් වාර්තා විය.
