නැන්සි පොලොසිගේ තායිවාන සංචාරය හේතුවෙන් ඇමරිකාව සහ චීනය අතර දේශපාලන අර්බුදයක් මතුවිය. නැන්සි පොලොසිගේ තායිවාන සංචාරයට චීනය මුල සිටම දැඩි විරෝධයක් දැක්වූ අතර කෙසේ නමුත් එම විරෝධය නොතකා අදාල සංචාරය ක්රියාත්මක කිරීමට ඇමරිකාව පියවර ගත්තේය.
මෙම සංචාරය සිදුවන කාලසීමාව තුළ චීනය, තායිවානය පෙනෙන මානයේ චීන වෙරළ කලාපයට සිය හමුදා කණ්ඩායම් විශාල ප්රමාණයක් කැඳවා තිබූ අතර සජීවී යුද අභ්යාසයක්ද පැවැත්වීමට කටයුතු කර තිබිණි.
මීට ප්රතිචාර ලෙස චීනයේ කලාපීය ප්රතිවාදියා වන ඉන්දියාව සමග එක්ව යුද අභ්යාසයක් සිදු කිරීමට ඇමරිකාව තීරණය කර තිබේ. ‘යුද් අභ්යාස්’ ලෙස හැඳින්වෙන මෙම මෙහෙයුම ඔක්තෝබර් මස 14 වැනිදා සිට 31 වැනිදා දක්වා ඉන්දියාවේ උත්තර්කන්ඩ් ප්රාන්තයේ අවුලි ප්රදේශයේදී පැවැත්වීමට සැළසුම් කරමින් සිටින්නේ.
මෙම යුද අභ්යාසය ඉන්දු-ඇමරිකා 18 වැනි යුද අභ්යාසය වේ.
UN
