කොළඹ LNW:පානීය ජල ගාස්තුව 50%කින් ඉහළ දැම්මත් තවමත් ජල සම්පාදන මණ්ඩලයට ජලය ලීටරයකින් ශත දෙකක පාඩුවක් දරන්නට සිදුවෙන බව ජල සම්පාදන රාජ්‍ය අමාත්‍ය සනත් නිශාන්ත මහතා පවසයි.
ගාස්තුව ඉහළ දැමීමට පෙර පිරිසිදු ජලය ලීටරයක් නිෂ්පාදනය කිරීමට ශත 7ක මුදලක් වැය වුණත් පාරිභෝගිකයන්ට එය ලබාදුන්නේ ශත 2ක මුදලකට බවයි රාජ්‍ය අමාත්‍යවරයා සඳහන් කරන්නේ.
එහිදී මණ්ඩලයට සත පහක මුදලක් පාඩු වූ බවයි ඔහු පවසන්නේ.
පසුගිය දා ගාස්තුව වැඩි කිරීමෙන් පසුව ජල ලීටරයක් ජනතාවට ශත පහකට ලබාදීමට අවස්ථාව උදා වුණත් තවත් ශත දෙකක පාඩුවක් මණ්ඩලය දරන බව පවසන රාජ්‍ය අමාත්‍යවරයා තවදුරටත් පවසන්නේ මේ හේතුවෙන් ජල ගාස්තු නැවත ඉහළ දමන්නේද යන්න ගැන තීරණයක් ගෙන නොමැති බවයි.
ASK
