සටහන – රුවන් නෙළුගොල්ල
මෙවර ජනාධිපතිවරණයේදී සමගි ජන බලවේගයේ නායක සජිත් ප්‍රේමදාස මහතාට සහාය පළ කිරීමට පාර්ලිමේන්තු මන්ත්‍රී, විශේෂඥ වෛද්‍ය සුදර්ශිනී ප්‍රනාන්දුපුල්ලේ මහත්මිය තීරණය කර තිබේ.
ඒ මහත්මිය අද (11) උදෑසන කොළඹ විපක්ෂ නායක කාර්යාලයේදී සජිත් ප්‍රේමදාස මහතා හමුවී මෙසේ සිය සහාය පළකර ඇත.
අභාවප්‍රාප්ත හිටපු අමාත්‍ය ජෙයරාජ් ප්‍රනාන්දුපුල්ලේ මහතාගේ බිරිඳ වන සුදර්ශිනී ප්‍රනාන්දුපුල්ලේ මහත්මිය පසුගිය සමයේ උසස් අධ්‍යාපන නියෝජ්‍ය අමාත්‍යවරිය ලෙසත්, ප්‍රාථමික සෞඛ්‍ය සේවා වසංගත රෝග හා කොවිඩ් පාලන රාජ්‍ය අමාත්‍යවරිය ලෙසත් කටයුතු කර ඇත.
