සටහන: සශිකලා මධුෂාණි
අගෝස්තු මස 11: ලෝකය(අවුට්බවුන්ඩ් ටුඩේ): කොලොම්බියාවට බලපෑ රික්ටර් මාපකයේ 7.4ක ප්රබලත්වයකින් යුත් ප්රබල භූමිකම්පාවකින් අවම වශයෙන් පුද්ගලයන් 132 දෙනෙකු මියගොස් තවත් 570කට වැඩි පිරිසක් තුවාල ලබා තිබේ.
මෙය 21 වැනි සියවසේදී කොලොම්බියාවට බලපෑ ප්රබලතම භූමිකම්පාව ලෙස වාර්තා වන අතර, ආපදා තත්ත්වයට මුහුණදීම සඳහා ගලවා ගැනීමේ මෙහෙයුම් අඛණ්ඩව ක්රියාත්මක වන හෙයිම් මරණ සංඛ්යව ඉහල යා හැකි බවට බලධාරීන් අනතුරු අඟවා ඇත.
භූමිකම්පාවේ කේන්ද්රස්ථානය San José del Palmar ප්රදේශය ආසන්නයේ පිහිටා ඇති අතර, බටහිර සහ මධ්යම කොලොම්බියාවේ නගර රැසකට එහි ප්රබල බලපෑම් එල්ල වී තිබේ. Cali, Pereira, Armenia සහ Manizales ඇතුළු නගරවල ගොඩනැගිලි සහ යටිතල පහසුකම්වලට සැලකිය යුතු හානි සිදුව ඇත.
වාර්තා වන පරිදි නිවාස 1,575කට, සෞඛ්ය මධ්යස්ථාන 18කට සහ පාසල් 52කට හානි සිදුව තිබේ. ගොඩනැගිලි කඩා වැටීමෙන් සුන්බුන් අතර සිරවී සිටින පුද්ගලයන් සොයා මුදාගැනීම සඳහා ගලවා ගැනීමේ කණ්ඩායම් මෙහෙයුම්වල නිරතව සිටිති.
භූමිකම්පාවෙන් අනතුරුව පසුකම්පන රැසක් ද වාර්තා වී ඇති අතර, තවදුරටත් ගොඩනැගිලි කඩා වැටීම් සහ හානි සිදුවීමේ අවදානම හේතුවෙන් ජනතාවට අවධානයෙන් පසුවන ලෙස බලධාරීන් උපදෙස් ලබා දී තිබේ.
