‘විදර්ශන’ ට පසුව, ඊට අනුබද්ධව මුලින්ම ආරම්භ කළේ ‘බේබි බී’ ප්රකාශන ආයතනය ය. එය යෞවන පාඨකයන් වෙනුවෙන් ලියැවෙන ස්වතන්ත්ර හා පරිවර්තිත සාහිත්ය කෘති පළ කිරීම වෙනුවෙනි. ඒ මීට දශක දෙකකට පමණ ඉහතදී ය. ග්රන්ථ 30 ක් පමණ ප්රකාශනයට පත් කිරීමෙන් පසු එම ආයතනය කලකට අක්රීය විය.
2019 වසරේදී ‘ප්රෝග්රස්’ ප්රකාශන ආයතනය ඇරඹුවේ අධ්යාපන ප්රකාශන පළ කිරීම වෙනුවෙනි. එමගින් මේවන විට පළ කර ඇති කෘතීන් ප්රමාණය 30 ක් පමණ වේ.
දැන් අප විසින් එම ආයතන ත්රිත්වයම සක්රීය කර ඇත්තේ ප්රකාශනය සඳහා ලැබෙන අත්පිටපත් ප්රමාණය ක්රමානුකූලව වැඩිවන බව නිරීක්ෂණය වන බැවිණි.
ලබන වසරේ සිට වැඩිවන ප්රකාශන ධාරිතාව පිළිබඳ අපට පූර්ව තක්සේරුවක් ඇති බැවින් විදර්ශන අනුබද්ධ ආයතන ත්රිත්වයෙන්ම ඉදිරියේදී කෘතීන් නිකුත්වනු ඇත.
- ‘විදර්ශන ප්රකාශන’ වෙතින් උසස් මට්ටමේ සාහිත්ය කෘති හා ශාස්ත්රීය කෘති.
- ‘බේබි බී ප්රකාශන’ වෙතින් යෞවන පාඨකයන් සඳහා සාහිත්ය කෘති.
- ‘ප්රෝග්රස් ප්රකාශන’ වෙතින් ළමා, අධ්යාපන හා සියළුම වර්ගවල සාහිත්ය කෘති ප්රකාශනයට පත්වනු ඇත.
සියළු ප්රකාශනවල මුද්රණ නිමාව ‘විදර්ශන’ සම වේ.
~ ජනක ඉනිමංකඩ
RN
