කොළඹ LNW:2024 ජනාධිපතිවරණයට අදාළව නාමයෝජනා භාරදීමෙන් අනතුරුව ජනාධිපති රනිල් වික්රමසිංහ මහතා මහනුවර ඓතිහාසික දළදා වහන්සේ වැඳපුදා ගනිමින් ආශිර්වාද ලබාගත්තේය.
ශ්රී දළදා මාලිගාවේදී දියවඩන නිලමේ ප්රදීප් නිලංග දෑල මහතා විසින් ජනාධිපතිවරයා පිළිගන්නා ලදි.
අනතුරුව ජනාධිපතිවරයා විශේෂ අමුතන්ගේ කුටියේදී සුහද පිළිසඳරක නිරත වූ අතර එම අවස්ථාව සඳහා ලොහාන් රත්වත්ත, දිලුම් අමුණුගම, අනුරාධ ජයරත්න,මහින්දානන්ද අලුත්ගමගේ යන මැති ඇමතිවරු ඇතුළු මහජන නියෝජිතයන් රැසක් එක්විය.
අනතුරුව ජනාධිපතිවරයා සියම් මහ නිකායේ මල්වතු පාර්ශවයේ මහා නායක අතිපූජ්ය තිබ්බටුවාවේ ශ්රී සිද්ධාර්ථ සුමංගල හිමි සහ අස්ගිරි පාර්ශවයේ මහා නායක අතිපූජ්ය වරකාගොඩ ඤාණරතන හිමියන් බැහැ දැක ආශිර්වාද ලබා ගත්තේය.
නදීක දයා බණ්ඩාර – මහනුවර
