සටහන – රුවන් නෙළුගොල්ල
අධික වර්ෂාපතනය හේතුවෙන් අත්තනගලු ඔය සහ එහි අතු ගංගාවල ජල මට්ටම් සැලකිය යුතු ලෙස ඉහළ යමින් පවතින බව වාරිමාර්ග දෙපාර්තමේන්තුව පවසයි.
එම දෙපාර්තමේන්තුවේ ජල විද්‍යා හා ආපදා කළමනාකරණ අංශයේ අධ්‍යක්ෂ ඉංජිනේරු එස්. පී. සී සුගීෂ්වර මහතා පැවසුවේ මෙම තත්වය මත අත්තගල්ල, ගම්පහ, ජා ඇල, වත්තල වැනි ප්‍රාදේශීය ලේකම් කොට්ඨාසවල අත්තනගලු ඔය සහ උරුවල් ඔය දෙපස පදිංචිව සිටින ජනතාව වැඩි අවධානයකින් සිටිය යුතු බවයි.
“මේ දක්වා ඇතිවුණු වර්ෂාපතනය මත සැලකිය යුතු ගංවතුර මට්ටමක් ඇතිවීමේ හැකියාවක් තියෙනවා සහ ගංගා ද්‍රෝණිය අධික තෙත් තත්ත්වයට පත්වෙලා තියෙනවා. ඒ නිසා අද දිනය තුළ සැලකිය යුතු වර්ෂාපතනයක් අත්තනගලු ඔය සහ උරුවල් ඔය ධාරා ප්‍රදේශයට ලැබුණොත් ඉතා පහසුවෙන් ගංගා ද්‍රෝණිය සැලකියයුතු ඉහළ ගංවතුර තත්ත්වයකට පත්වීමේ අවදානම පවතිනවා. ඒ නිසා මේ ප්‍රදේශවල මහජනතාව මේ තත්ත්වය සම්බන්ධයෙන් දැඩි සැලකිල්ලකින් කටයුතු කළ යුතුයි”
ප්‍රධාන ගංගාවල ජල මට්ටම් සම්බන්ධයෙන් අද (18) පෙරවරු 09.30 ට වාරිමාර්ග දෙපාර්තමේන්තුවේ ජලවිද්‍යා සහ ආපදා කළමනාකරණ අංශය නිකුත් කර ඇති නිවේදනය පහතින් දැක්වේ.
