Monday, September 26, 2022
spot_img
spot_img

Latest Posts

‘සෙල්ලන් කරන්න නම් ඕනේ අපි ඒකටත් ලෑස්තියි’ – අත්අඩංගුවට ගැනීමට පෙර වසන්ත! (VIDEO)

ගෝඨාභය රාජපක්ෂ, මහින්ද රාජපක්ෂ නෙරපා දැමුවා සේ වත්මන් ජනාධිපති රනිල් වික්‍රමසිංහගේ පාලන කාලයටද දින නියම කිරීම අද අන්තර් විශ්ව විද්‍යාල ශිෂ්‍ය බල මණ්ඩලයේ විරෝධයෙන් ආරම්භ වන බව අන්තර් විශ්ව විද්‍යාල ශිෂ්‍ය බල මණ්ඩලයේ කැඳවුම්කරු වසන්ත මුදලිගේ විරෝධතාව අතරතුර මාධ්‍ය වෙත අදහස් දක්වමින් අවධාරණය කළේය.

කිසිදු ජන මතයක් නොමැති රනිල් වික්‍රමසිංහගේ මර්දනයට යටත් නොවන බවත් තවදුරටත් ජනතා අයිතීන් දිනා ගන්නා තෙක් අරගලය ඉදිරියට ගෙන යන බවත් මුදලිගේ කියා සිටියේය.

”අපි රනිල් වික්‍රමසිංහට බය නැහැ. මොකද ඔහුට අවම වශයෙන් ජන මතයක්වත් නැහැ. මර්දනය ගෙනල්ල බය කරන්න හදනවා නම් විහිළු සපයන්න එපා කියල අපි කියනවා. අපි ඒ මර්දනයට හිස නමන්නේ නැහැ. ඒ නිසා අද දවසේදී අන්තර් විශ්ව විද්‍යාල ශිෂ්‍ය බල මණ්ඩලය විදිහට ඩීල් රනිල් රාජපක්ෂ ආණ්ඩුව පන්නන්න ඒ ආණ්ඩුවට ඉල්ලා අස්වෙන්න බලකරමින් විධායක ජනධිපති ධූරය අහෝසි කරන්න බලකරමින් ජනතා අයිතීන් දිනාගැනීමට බලකරමින් අඩපණ කර තිබෙන පාසල් හා සරසවි යථාතත්ත්වයට පත්කරන්න බලකරමින් අත්අඩංගුවේ සිටින සියලු අරගලකරුවන් නිදහස් කරන්න බලකරමින් මේ විරෝධය ගෙනයනවා.”

ආණ්ඩුවට අවශ්‍ය වන්නේ සෙල්ලම් කිරීම නම් එම සෙල්ලමට ද සූදානම් අතර ගෝඨාභය රාජපක්ෂට සහ මහින්ද රාජපක්ෂට සිදු වූ දේ ද මතක තබාගන්නා ලෙස ඔහු සඳහන් කළේය.

ASK

Latest Posts

spot_img

Don't Miss

Stay in touch

To be updated with all the latest news, offers and special announcements.