කොළඹ LNW:විපක්ෂ නායක සජිත් ප්‍රේමදාස මහතා අද (19) පාර්ලිමේන්තුවේ පිහිටි විපක්ෂ නායක කාර්යාලයේ දී විපක්ෂය නියෝජනය කරන දෙමළ හා මුස්ලිම් මන්ත්‍රීවරුන් හමු විය.
මෙම හමුවේ දී උතුරු නැගෙනහිර පළාත්වල ජනතාව මුහුණ දෙන ගැටලු සම්බන්ධයෙන් පුළුල් ලෙස අවදානය යොමු කිරීමට කටයුතු කරන ලදි. විශේෂයෙන් එම පළාත්වල ජනතාවගේ දෛනික ජීවිතයට බලපාන සමාජ, ආර්ථික හා සංවර්ධන ගැටලු මෙන්ම ඔවුන් මුහුණ දෙන අනෙකුත් ප්‍රාදේශීය ගැටලු සම්බන්ධයෙන් මන්ත්‍රීවරුන් විසින් විපක්ෂ නායකවරයා දැනුවත් කර ඇත.
එමෙන්ම, උතුරු හා නැගෙනහිර පළාත්වල ජනතාවගේ ගැටලු පාර්ලිමේන්තුව තුළ වඩාත් පුළුල් ලෙස ඉදිරිපත් කිරීම සහ ඒ සඳහා අවශ්‍ය මැදිහත්වීම් සිදු කිරීම සම්බන්ධයෙන් ද මෙහිදී විශේෂ අවධානය යොමු විය.
මෙම හමුව සඳහා එම්. එල්. එම්. හිස්බුල්ලා, M.S.A. වසීත්, M.T.M. තහීර්, තුරෙයිරාසා රවිකරන්, ඉම්රාන් මහරුෆ්, M.S. U. ලෙබ්බේ, රවුෆ් හකීම්, වෛද්‍ය රාමනාදන් අර්චුනා, නිසාම් කාරියප්පම්, කාදර් මස්තාන්, A. අඩෙයිකලනාදන්, ශානක්‍ය රාසමානික්‍යම්, මනෝ ගනේෂන් ඇතුළු පිරිසක් එක්විය.
