සටහන – රුවන් නෙළුගොල්ල
මෙරට තොරතුරු තාක්ෂණ ක්ෂේත්‍රයේ රැකියා දස ලක්ෂයක් බිහිකිරීමේ අරමුණින් යුතුව ධම්මික සහ ප්‍රිසිලා පෙරේරා පදනම විසින් ක්‍රියාත්මක කර ඇති ඩීපී එඩියුකේෂන් අයිටී කැම්පස් වැඩසටහනේ 151 වැනි අයිටී කැම්පස් ශාඛාව මඩකලපුව, වාලච්චේන, බයින්තූරච්චේනෛ හිදී විවෘත කර තිබේ.
නැගෙනහිර පළාත් හිටපු ආණ්ඩුකාර එම්. ඒ. එල්. එම්. හිස්බුල්ලා මහතාගේ ප්‍රධානත්වයෙන් 2024 අගෝස්තු 19 වනදා එම අයිටී කැම්පස් ශාඛාව විවෘත කරන ලදී.
මෙම අයිටී කැම්පස් ශාඛාවෙහි පරිගණක භාෂා අධ්‍යාපනය ලබන සිසු සිසුවියන් සංඛ්‍යාව 350 කි.
මීට අමතරව මඩකලපුව ඔට්ටමාවඩි ඩීපී එඩියුකේෂන් අයිටී කැම්පස් ශාඛාවේ ඉගනුම ලැබූ සිසුන් 75 දෙනෙකු සඳහා සහතික පත්‍ර ප්‍රදානය කිරීම ද මෙහිදී සිදුකෙරිණි.
මෙම අවස්ථාවට මඩකලපුව ඩී.පී අයි ටී කැම්පස් සමූහයේ විදුහල්පති එම්. එම්. එස්. හරූන් මෞලවිතුමන්, පාසල් විදුහල්පති මහත්ම මහත්මීන්, නගර ප්‍රධානීන්, වෙළඳ ව්‍යාපාරික මහතුන් ඇතුළු පිරිසක් එක්ව සිටියහ.
ඩීපී එඩියුකේෂන් අයිටී කැම්පස් වැඩසටහන මගින් සම්පූර්ණයෙන්ම නොමිලේ ලබාදෙන පරිගණක භාෂා පාඨමාලාවෙහි වටිනාකම රුපියල් ලක්ෂ 25 කි. මෙය රැකියා ඉලක්කගත පාඨමාලාවක් වන අතර මෙම පාඨමාලාව හදාරන සිසු සිසුවියන්ට තොරතුරු තාක්ෂණ ක්ෂේත්‍රයේ රැකියා සඳහා අවශ්‍ය මූලික සුදුසුකම් සම්පූර්ණ වේ. එමෙන්ම ඔවුන්ට මොරටුව, කැළණිය සහ රුහුණ යන විශ්වවිද්‍යාල මගින් පවත්වාගෙන යන පාඨමාලා හදාරමින් වැඩිදුර අධ්‍යාපනයට ප්‍රවේශ වීමේ වරම් ද හිමිවේ.
