රක්ෂිත බන්ධනාගාරගත කර සිටින හිටපු ජනාධිපති රනිල් වික්‍රමසිංහ මහතා අද (23) පස්වරුවේ බන්ධනාගාර රෝහලේ සිට කොළඹ ජාතික රෝහලට මාරුකර යවා ඇති බව වාර්තා වේ.
ඒ, බන්ධනාගාර රෝහලේ වෛද්‍යවරුන්ගේ නිර්දේශ අනුව ය.
ප්‍රකාශයක් ලබාදීම සඳහා අපරාධ පරීක්ෂණ දෙපාර්තමේන්තුවට ඊයේ (22) පෙරවරුවේ පැමිණි වික්‍රමසිංහ මහතාව ඊයේ දහවල් වනවිට අත් අඩංගුවට ගැනුණු අතර ඊයේ රාත්‍රී 10.00 ට පමණ ඔහුව රක්ෂිත බන්ධනාගාරගත කිරීමට කොටුව මහේස්ත්‍රාත් අධිකරණය නියම කරන ලදී.
ඒ අනුව වැලිකඩ බන්ධනාගාරයට රැගෙන පැමිණි ඒ මහතාව වෛද්‍යවරුන් දෙදෙනෙකු විසින් පරීක්ෂා කිරීමෙන් අනතුරුව බන්ධනාගාර රෝහලට ඇතුළත් කිරීමට නිර්දේශ කර තිබිණි.
