සටහන – රෂිකා හෙන්නායක
කොළඹ (LNW): මුදල් රාජ්ය අමාත්ය ෂෙහාන් සේමසිංහ මහතා සඳහන් කළේ, දේශීය ණය ප්රශස්තකරණ වැඩපිළිවෙළ යටතේ අදට නියමිතව තිබූ බැඳුම්කර යළි නිකුත් කිරීම ලබන 11 වැනි දා දක්වා දීර්ඝ කර ඇති බවයි. දේශීය ආදායම් පණත සංශෝධනයට එරෙහිව පවතින අධිකරණ ක්රියාවලියක් පවතින බැවින් එලෙස එය කල් දැමූ බවයි අමාත්යවරයා පැවසූවේ.
දේශීය ණය ප්රශස්තකරණ වැඩපිළිවෙළ යටතේ රජය නිකුත් කර ඇති බැඳුම්කර සියල්ල 9%ක පොලී අනුපාතිකයක් යටතේ යළි නිකුත් කිරීමට යෝජනා වී තිබුණු අතර එය ක්රියාත්මක කිරීමට නියමිතව තිබුණේ, අද (28) දිනයේදීය.
තවද, සේවක අර්ථසාධක අරමුදල් මේ තුළින් දැඩි අර්බුදයකට ලක්වන බවට පාර්ශව ගණනාවක් ඊට විරෝධය පළ කරමින් ද සිටින බවද පෙනී යයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
